Í gær komst það í fréttir að Phil Foden hefði rekið fyrirtækið Ten Toes Media úr starfi sínu sem almannatengill og umsjá um samfélagsmiðla hans vegna Twitter færslu á miðvikudag. Þá hafði lið hans, Manchester City, komist áfram í undarúrslit Meistaradeildar Evrópu þar sem þeir mæta PSG. Rétt eftir leik birtist færsla á Twitter frá Foden þar sem stóð „Kylian Mbappe ertu klár?“. Þetta var kappinn alls ekki sáttur með og rak fyrirtækið úr þjónustu sinni segir í frétt Daily Mail.
Ten Toes Media hefur gefið út yfirlýsingu þar sem þeir segja að allt sem þeir setji á samfélagsmiðla fyrir leikmenn sé samþykkt af leikmanninum sjálfum eða teymi hans.
„Síðan að fyrirtækið var stofnað höfum við alltaf verið með ferli þar sem allar færslur eru samþykktar af talsmanni leikmannsins – án undantekninga.“
„Allar færslur hafa verið samþykktar – það hefur verið svoleiðis í 4 ár og er enn í dag. Við óskum Phil Foden hins besta í framtíðinni,“ segir í færslu frá fyrirtækinu.