Eduardo Camavinga 18 ára undrabarn frá Frakklandi mun ekki skrifa undir nýjan samning við Rennes í heimalandinu. Núverandi samningur hans gildir til ársins 2022.
Rennes mun því líklega selja Camavinga í sumar, hann hefur bæði verið orðaður Real Madrid og Manchester United síðustu vikur.
Jonathan Barnett umboðsmaður Camavinga hefur látið hafa eftir sér að verðmiðinn á honum verði í kringum 40 milljónir punda.
Camavinga hefur leikið 77 leiki fyrir Rennes en hann kom fyrst inn í liðið fyrir tveimur árum, hann hefur spilað fyrir A-landslið Frakklands.
Talið er líklegt að Real Madrid reyni að kaupa Camavinga í sumar en Zinedine Zidane hefur mikið álit á honum.
