Edinson Cavani og Eric Bailly leikmenn Manchester United eru sagðir krefjast svara frá Ole Gunnar Solskjær um framtíð sína. Ensk blöð fjalla um.
Cavani er 34 ára framherji og vill ólmur vera annað ár hjá Manchester United, hann kom til félagsins síðasta haust.
Framherjinn á efitr að setjast niður með félaginu og ræða um mögulega framlengingu en ákvæði er í samningi hans um að framlengja hann.
Bailly er sagður vilja heiðarleg samskipti frá Solskjær um hvort hann sé hugsaður sem lykilmaður eða varaskeifa, Bailly er oftar en ekki fjarverandi vegna meiðsla.
Báðir vilja þeir fá að vita hvað framtíðin ber í skauti sér sem allra fyrst en Bailly á ár eftir af samningi sínum.
Manchester Untied situr í öðru sæti ensku úrvalsdeildarinnar, liðið er í átta liða úrslitum bikarsins og er að hefja leik í 16 liða úrslitum Evrópudeildarinnar.
