fbpx
Mánudagur 12.apríl 2021
433Sport

Börkur kallar eftir breytingum – „Það kann ekki góðri lukku að stýra né getur talist eðlilegt“

Hörður Snævar Jónsson
Þriðjudaginn 2. mars 2021 12:17

Edvard Börkur Edvardsson, formaður knattspyrnudeildar Vals (fyrir miðju)

Ekki missa af Helstu tíðindum dagsins í pósthólfið þitt

Lesa nánar

Börkur Edvardsson formaður knattspyrnudeildar Vals útilokar ekki að uppstokkun verði í röðum ÍTF, hagsmunasamtaka eftir ársþing KSÍ sem fram fór um helgina.

Íslenskur toppfótbolti fór af stað fyrir nokkrum árum sem samtök félaga í efstu deild, nokkru síðar var næst efstu deild karla og kvenna bætt þar inn. Það var hart tekist á á ársþingi Knattspyrnusambands Íslands um helgina þar sem ræddar voru tillögur um breytingu á efstu deild karla. Fram, Fylkir, ÍA og starfshópur KSÍ höfðu lagt inn tillögur um breytingu á mótafyrirkomulagi efstu deildar karla á ársþingi KSÍ sem fer fram þessa stundina. Fylkir og ÍA drógu tillögur sínar til baka og því var kosið um tvær tillögur, önnur þeirra var frá Fram og hin frá starfshópi KSÍ.

Fram lagði til fjölgun í efstu deild upp í 14 lið en starfshópurinn lagði til að áfram yrðu 12 lið en eftir tvöfalda umferð yrði deildin tvískipt þar sem sex efstu liðin myndu mætast og sex neðstu. Báðar þessar tillögur voru felldar en 2/3 þurftu að kjósa með tillögu svo hún gæti verið samþykkt. 58% voru með tillögu Fram en 54% með tvískiptri deild. Það er ekki nægur stuðningur og báðar tillögur því felldar. Efsta deild verður því áfram með sama hætti, tólf liða deild þar sem leikin er tvöföld umferð.

Börkur segir miður að ekki hafi tekist að fjölga leikjum í efstu deild um liðna helgi. „Það er slæmt að farið hafi verið á mis við það að fjölga gæðaleikjum í efstu deild sem gæti aukið markaðsverðmæti efstu deildar nú þegar gengið er til samninga um sjónvarpsréttinn til næstu ára. Það hefur sýnt sig í árangri íslenskra félagsliða síðustu ár í Evrópukeppnum að aðgerða er þörf og það er miður að engin skref hafi verið tekin í átt til þess að bæta samkeppnishæfni íslenskrar knattspyrnu á þessu ársþingi,“ segir Börkur í samtali við Fréttablaðið.

Börkur útilokar ekki að ÍTF fari aftur til fortíðar og berjist fyrir hagsmunum bestu liða landsins. „Ég held að það sé ljóst eftir þetta þing að sá sáttagrundvöllur sem þarf að vera og á að vera til staðar hjá félögunum sem eru innan íslensks toppfótbolta (félögin í efstu tveimur deildum karla og kvenna) er ekki til staðar og við því þurfi að bregðast. Mér finnst það einsýnt að forráðamenn leiðandi félaga í íslenskri knattspyrnu muni hittast á næstu dögum og ræða framhaldið.“

„Það kemur alveg til greina að mínu mati að fara aftur í það fyrirkomulag sem var á hagsmunasamtökunum Íslenskum toppfótbolta þegar þau voru stofnuð, það er að stofna samtök sem gæta hagsmuna félaganna í efstu deild karla. Hagsmunir og framtíðarsýn flestra félaganna sem eru með lið í efstu deild í knattspyrnu eru ekki í takt við önnur félög og við því þarf að bregðast,“ segir Börkur.

Börkur segir það ekki eðlilegt að minni lið í neðri deildum hafi áhrif á efstu deild og hvernig hún fari fram. „Það kann ekki góðri lukku að stýra né getur talist eðlilegt að félög sem eru í neðri deildum stjórni því hvernig fyrirkomulagið sé í efstu deild þvert á vilja þeirra félaga sem þar leika.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 19 klukkutímum

Sheffield United reyndist engin fyrirstaða fyrir Arsenal

Sheffield United reyndist engin fyrirstaða fyrir Arsenal
433Sport
Fyrir 20 klukkutímum

Glæsimark Ara Freys dugði ekki til

Glæsimark Ara Freys dugði ekki til
433Sport
Fyrir 22 klukkutímum

Sneri aftur á knattspyrnuvöllinn eftir langvinn meiðsli – Íhugaði að leggja skóna á hilluna

Sneri aftur á knattspyrnuvöllinn eftir langvinn meiðsli – Íhugaði að leggja skóna á hilluna
433Sport
Fyrir 22 klukkutímum

Sjáðu markið: Ari Freyr kom Norrköping yfir með stórglæsilegu marki – Þrumufleygur!

Sjáðu markið: Ari Freyr kom Norrköping yfir með stórglæsilegu marki – Þrumufleygur!
433Sport
Í gær

Ef Kane fer frá Tottenham þá eru þetta liðin sem eru líklegust til að næla í hann

Ef Kane fer frá Tottenham þá eru þetta liðin sem eru líklegust til að næla í hann
433Sport
Í gær

Sænska deildin hefst í dag og allra augu eru á Ísaki Bergmann – „Býr yfir hæfileikum sem fáir geta státað sig af“

Sænska deildin hefst í dag og allra augu eru á Ísaki Bergmann – „Býr yfir hæfileikum sem fáir geta státað sig af“
433Sport
Í gær

Líkleg byrjunarlið þegar Solskjær heimsækir Mourinho í dag

Líkleg byrjunarlið þegar Solskjær heimsækir Mourinho í dag
433Sport
Í gær

Sjáðu ótrúlega hegðun í gær: Skallaði vin sinn – „Þú getur labbað heim“

Sjáðu ótrúlega hegðun í gær: Skallaði vin sinn – „Þú getur labbað heim“