Mótanefnd KSÍ hefur birt drög að leikjum Pepsi Max-deildar karla keppnistímabilið 2021. Mótið hefst Sumardaginn fyrsta, þann 22. apríl, með opnunarleik Vals og ÍA. Þrír leikir fara fram 23. apríl og tveir 24. apríl í fyrstu umferð.
Báðir nýliðar deildarinnar hefja leik á útivelli, Leiknir R. heimsækur Stjörnuna á meðan Keflavík fer á Víkingsvöll og mætir þar Víking R. Fyrstu umferð lýkur síðan á stórleik á Kópavogsvelli þegar Breiðablik og KR mætast.
Leikir í 1. umferð
Valur – ÍA
Stjarnan – Leiknir R.
Víkingur R. – Keflavík
Fylkir – FH
HK – KA
Breiðablik – KR
Lokaumferðin
Það er nóg um áhugaverða leiki í lokaumferð Pepsi Max deildar karla. Helst ber að nefna Kópavogsslag þegar Breiðablik og HK mætast, en einnig verður stórleikur á Samsung vellinum þegar Stjarnan tekur á móti KR.
Fylkir – Valur
KA – FH
Breiðablik – HK
Stjarnan – KR
Víkingur R. – Leiknir R.
Keflavík – ÍA