Nágrannaslagurinn milli Liverpool og Everton fór fram á Anfield um helgina. Um var að ræða fyrstu viðureign liðanna síðan Jordan Pickford, markmaður Everton, tæklaði Virgil van Dijk, lykilmann Liverpool, með þeim afleiðingum að hann meiddist en hann er ennþá meiddur. Sá leikur endaði með jafntefli sem var ansi svekkjandi fyrir Liverpool-menn.

Liverpool var hins vegar í vandræðum um helgina og vann Everton að lokum 0-2 sigur þar sem Gylfi Sigurðsson skoraði seinna markið.

Gylfi Þór ræddi vítaspyrnuna við Tómas Þór Þórðarson hjá Símanum og þar kom fram að sjónvarpsgláp hans fyrir leikinn hafi hjálpað mikið til.

„Það fer eftir því hvernig víti ég hef hugsað mér að taka, ég var að klára þáttaröðina á Amazon þar sem þeir fylgja Brasilíu í Copa America, kvöldið áður. Ég sé töluvert af honum á æfingum og í leikjum, þar sem þeir fara í vítaspyrnukeppni,“ sagði Gylfi á Símanum um Alisson Becker markvörð Liverpool, hann ver mark Brasilíu og því komm sjónvarpsglápið sér vel.

„Ég sá víti af honum, þetta er bara að bíða og sjá hvert markvörðurinn fer.“

Gylfi byrjaði á bekknum í leiknum en þegar vítaspyrnan var dæmd ákvað Carlo Ancelotti að Gylfi færi á punktinn. Fyrir leik hafði verið ákveðið að Richarlison væri skyttan.

„Þjálfarinn kallaði inn á völlinn að ég ætti að taka þetta, hann varð að stíga til hliðar.“

Það getur borgað sig að horfa á sjónvarpið!

Gylfi Sig segir frá því í viðtali við @tomthordarson hvernig hann óvænt undirbjó sig fyrir vítið gegn Allison með sjónvarpsglápi kvöldið áður. pic.twitter.com/esRNVccumL

— Síminn (@siminn) February 26, 2021