Mesut Özil talaði um draum sem væri að rætast þegar hann gekk í raðir Fenerbache í janúar en segja má að innkoma hans hafi verið harmleikur fyrir Fenerbache.
Þessi 32 ára gamli leikmaður rifti samningi sínum við Arsenal í janúar og fór frítt til Fenerbache.
Özil gekk til liðs við Fenerbache sem var sjóðandi heitt, liðið hafði unnið átta af síðustu níu leikjum í öllum keppnum.
Liðið sat á toppi deildarinnar og virtist á góðri leið með að vinna deildina í fyrsta sinn frá árinu 2014, innkoma Özil átti að hjálpa til við það.
Liðið vann fyrsta leikinn sem Özil spilaði en hefur síðan þá tapað þremur leikjum og er liðið er nú búið að missa toppsætið og er komið í þriðja sæti deildarinnar.
Özil er 32 ára gamall en Fenerbache getur enn snúið við taflinu og komið sér aftur á topp deildarinnar.