Þýskir fjölmiðlar telja ágætis líkur á því að Jurgen Klopp segi starfi sínu hjá Liverpool lausu á næsta ári. Það er þýska blaðið Bild sem fjallar um málið.
Bild segir meiri líkur en minni á því að Klopp hætti hjá Liverpool tveimur árum áður en samningur hans á að renna út.
Framtíð Klopp hefur verið til umræðu síðustu vikur á sama tíma og gengi Liverpool hefur verið slakt. Margir velta framtíð þýska stjórans fyrir sér.
Klopp er með samning til ársins 2024 en ef marka má frétt Bild eru ekki miklar líkur á að hann klári hann. Í frétt Bild segir að Klopp gæti tekið við þýska landsliðinu á næsta ári.
„Þegar ég fer frá Liverpool, þá fer ég ekki í nýtt starf daginn eftir. Ég tek mér ár í frí,“ sagði Klopp í fyrra um stöðu sína.
