Miguelina Eloi Assis dos Santos, móðir Ronaldinho var jörðuð í Brasilíu í gær. Ronaldinho var hins vegar ekki viðstaddur í jarðarför hennar.
Hún hafði háð erfiða baráttu við Covid-19 sjúkdóminn. Hún lést á laugardag og var jörðuð í gær, Ronaldinho upplifi mikla sorg og treysti sér ekki að ganga síðasta spölinn með móður sinni.
Hún hafði verið lögð inn á Mae de Deus spítalann í Porto Alegre í desember og náði sér ekki eftir að hafa greinst með veiruna. .
Ronaldinho er einn dáðasti knattspyrnuleikmaður í sögu Barcelona og lék einnig með liðum á borð við AC Milan, PSG og Atletico Mineiro í heimalandi sínu Brasilíu. Félagið sendi Ronaldinho hjartnæma samúðarkveðju á samfélagsmiðlinum Twitter í dag.
Samúðarkveðjum hefur rignt yfir Ronaldinho en ein af þeim kom frá Lionel Messi. „Ronnie, ég get ekkert sagt. Ég trúi þessu ekki, sendi styrk og stórt faðmlag á þig og alla fjölskylduna. Hvíldu í friði,“ skrifaði Messi til Ronaldinho
