Tekjur Knattspyrnusambands Íslands af landsleikjum drógust saman um rúmar 163,7 milljónir króna milli áranna 2019-2020. Þetta kemur fram í ársskýrslu KSÍ.
Tekjur KSÍ af landsleikjum árið 2019 voru rúmar 189 milljónir króna og höfðu áætlanir fyrir árið 2020 gert ráð fyrir tekjum upp á 199 milljónir króna.
Covid-19 heimsfaraldurinn olli því að áætlanir á hinum ýmsu sviðum urðu fljótt óraunhæfar.
Aðaltekjur KSÍ af landsleikjum koma frá miðasölu, áhorfendabann sem var við lýði stóran hluta ársins 2020 kom hins vegar í veg fyrir þær tekjur.
Tekjur KSÍ af landsleikjum árið 2020 voru því aðeins rúmar 25.9 milljónir króna, rúmlega 163.7 milljónum króna lægri heldur en árið 2019.