Paris Saint-Germain er að rúlla yfir Club Brugge í leik sem nú stendur yfir í riðlakeppni Meistaradeildar Evrópu.
PSG er nú þegar komið áfram úr riðlinum ásamt Manchester City.
Kylian Mbappe kom Parísarliðinu í 2-0 með mörkum á fyrstu sjö mínútum leiksins.
Mbappe lagði svo upp þriðja mark liðsins á Lionel Messi á 38. mínútu. Hann klobbaði leikmann Club Brugge í aðdragandanum og átti góðan sprett áður en hann skipti boltanum yfir á Messi.
Argentínumaðurinn skoraði svo með frábæru skoti fyrir utan teig.
Mark Messi má sjá með því að smella hér.
Staðan í leiknum er 3-0 fyrir PSG þegar rúmar 50 mínútur eru liðnar.
