Jesse Lingard, leikmaður Manchester United, er ekki í hóp hjá liðinu í fyrsta leik undir stjórn Ralf Rangnick vegna meiðsla. Leikur Man Utd og Crystal Palace stendur nú yfir á Old Trafford.
Hinn 28 ára gamli Lingard sneri sig á ökla á æfingu og getur því ekki verið með í dag.
Lingard var ekki inni í myndinni hjá Ole Gunnar Solskjær. Sá norski var rekinn sem stjóri Man Utd á dögunum og Rangnick kom inn. Lingard vonast því án efa til þess að komast í náðina hjá nýjum stjóra.
Englendingurinn hefur komið við sögu í átta leikjum í ensku úrvalsdeildinni á þessari leiktíð.
Á seinni hluta síðustu leiktíðar var Lingard á láni hjá West Ham þar sem hann fór á kostum. Hann skoraði níu mörk og lagði upp önnur fimm í sextán leikjum.
Jesse Lingard not in the squad today. Twisted his ankle in training.
— Rob Dawson (@RobDawsonESPN) December 5, 2021
