New York City er komið í úrslitaleik MLS-deildarinnar eftir sigur á Philadelphia Union í undanúrslitunum (úrslitaleik Austurdeildarinnar) í kvöld.
Philadelphia komst yfir á 63. mínútu þegar Alexander Callens, leikmaður New York, setti boltann í eigið net.
Maximiliano Moralez jafnaði þó leikinn fyrir gestina örskömmu síðar.
Guðmundur Þórarinsson kom inn á sem varamaður á 58. mínútu og hann lagði upp sigurmarkið á Talles Magno á 88. mínútu.
Lokatölur 1-2. New York mætir Portland Timbers í úrslitaleik MLS-deildarinnar eftir viku.
Hér fyrir neðan má sjá stoðsendingu Guðmundar.
TALLES MAGNO FOR THE LATE LEAD IN THE CONFERENCE FINAL! 🗽⚽️ pic.twitter.com/29xPGPwcit
— New York City FC (@NYCFC) December 5, 2021