Ótrúlegt atvik átti sér stað í norska boltanum um síðustu helgi þegar Viking og Kristiansund áttust við.
Undir lok leiks, sem Viking vann 2-3, kom upp furðulegt atvik. Patrik Gunnarssyni og David Brekalo, leikmönnum Viking, lenti þá saman með þeim afleiðingum að Brekalo stjakaði við Patrik sem henti sér niður. Brekalo fékk rautt spjald fyrir uppákomuna.
Viking FK keeper Patrik Gunnarsson gets his own teammate, David Brekalo, sent off after this ridiculous play acting 😳🎭pic.twitter.com/7yGvlSacov
— Gilles 🇳🇬🏴 (@_Grimanditweets) November 28, 2021
Eftir leik birti Viking mynd af þeim Patrik og Brekalo þar sem þeir virtust hafa náð sáttum.
Det er bare smil å se på Kvernberget Flystasjon 😀
Heia Viking! pic.twitter.com/TFHYVulcAh
— Viking Fotball (@vikingfotball) November 28, 2021
Atvikið var til umræðu í Sportvikunni, glænýjum sjónvarpsþætti á Hringbraut þar sem Benedikt Bóas Hinriksson er við stýrið. Guðmundur Benediktsson var gestur í fyrsta þætti ásamt Herði Snævari Jónssyni, sérfræðingi þáttarins.
,,Þetta er það furðulegasta sem ég hef séð lengi. Ég er ennþá að leita að vídeói til að sjá hvað varð til þess að þeim varð svona heitt í hamsi,“ sagði Gummi Ben. ,,Ég bara skil þetta ekki,“ bætti hann svo við.
Benedikt Bóas kaupir ekki að menn hafi náð sáttum strax eftir leik. ,,Ég get ekki ímyndað mér að menn séu sáttir. Ég held að þessi varnarmaður sé ekki búinn að fyrirgefa honum.“
,,Hann (Brekalo) er að fara í leikbann. Þetta er ekki eitthvað sem þú leysir einn, tveir og þrír. Ég verð að fá útskýringu á hvernig Patrik datt þetta í hug,“ sagði Gummi Ben.
Þáttin í heild má sjá hér fyrir neðan.
