Barcelona tók á móti Real Betis á Nývangi í dag. Leiknum lauk 0-1 sigri Real Betis.
Leikurinn var nokkuð lengi í gang en hvorugt liðið skapaði sér færi í fyrri hálfleik. Seinni hálfleikur var aðeins líflegri og kom Juanmi boltanum í netið en VAR dæmdi markið af eftir mjög tæpa rangstöðu. Juanmi var þó ekki búinn að segja sitt síðasta en hann braut ísinn þegar tæpar tíu mínútur voru eftir af venjulegum leiktíma eftir frábæra skyndisókn. Þetta reyndist sigurmarkið og fyrsta tap Xavi staðreynd.
Barcelona er í 7. sæti deildarinnar með 23 stig en Real Betis er í 3. sæti með 30 stig, einu stigi á eftir grönnum sínum Í Sevilla.
Barcelona 0 – 1 Real Betis
0-1 Juanmi (´79)
93’ ⏱⚽ ¡¡FINAAAAAAL!! 👏👏 ¡Final del partido con victoria verdiblanca! 😊💃
🔵🔴 #BarçaRealBetis 0-1 💚🤍#DíaDeBetis pic.twitter.com/CZZofcArNC
— Real Betis Balompié 🌴💚 (@RealBetis) December 4, 2021