Everton er með augastað á Kasper Hjulmand ef það fer svo að Rafa Benitez verði rekinn sem stjóri félagsins. Þetta segir í frétt B.T. í Danmörku.

Hjulmand er sem stendur stjóri danska karlalandsliðsins. Í síðasta mánuði var hann orðaður við stjórastöðuna hjá Aston Villa í kjölfar þess að Dean Smith fékk sparkið þar.

Hjá Everton eru menn sagðir hrifnir af stíl, persónuleika og hæfni Hjulmand í að ræða við fjölmiðla.

Everton hefur gengið afar illa undanfarið. Liðið er í fjórtánda sæti ensku úrvalsdeildarinnar. Þá tapaði liðið gegn erkifjendunum í Liverpool, 1-4, fyrr í vikunni.

Pressan hefur því aukist á Benitez. Spánverjinn er fyrrum stjóri Liverpool og er ekki mjög vinsæll á meðal stuðningsmanna Everton vegna gengisins undanfarið.