Xavi tók við stjórastöðunni hjá Barcelona fyrir stuttu eftir að Ronald Koeman var rekinn frá félaginu. Hann er strax byrjaður að taka til hendinni og ætlar að gefa Phillipe Coutinho einn mánuð til að sanna sig og ef hann gerir það ekki verður hann seldur í janúar.

Coutinho var seldur til Barcelona frá Liverpool árið 2018 fyrir metfé. Hann hefur ekki heillað á Spáni og eru stuðningsmenn liðsins orðnir þreyttir á kappanum. Hann hefur aðeins byrjað fjóra leiki á tímabilinu.

Samkvæmt frétt Marca hefur Xavi gefið honum mánuð til að sanna sig en spurning er hvort hann fái nægilega mörg tækifæri í byrjunarliðinu til þess.

Talið er að Barcelona muni bjóða Manchester City eða Manchester United að fá Coutinho og vonast liðið til að geta fengið Ferran Torres, Raheem Sterling, Anthony Martial eða Edinson Cavani til félagsins í skiptum.