Ole Gunnar Solskjær var rekinn frá Manchester United í síðasta mánuði eftir slæmt gengi. Michael Carrick tók þá við tímabundið en félagið hefur nú ráðið Ralf Rangnick til starfa. Carrick stýrði liðinu í síðasta skipti í 3-2 sigri gegn Arsenal sem fór fram í kvöld.

Michael Carrick hefur verið í þjálfarateymi Manchester United síðustu ár en hann mun nú yfirgefa félagið og leita á önnur mið en félagið tilkynnti þetta fyrir stuttu og sendi frá sér yfirlýsingu.

„Hann mun alltaf vera þekktur sem einn besti miðjumaður í sögu Manchester United og nú sem frábær þjálfari sem hjálpaði til við að búa til frábært lið sem Ralf mun nú taka við.“

Carrick er þakklátur fyrir árin hjá Manchester United og segir þetta vera bestu 15 ár ferilsins:

„Tími minn hjá félaginu var stórkostlegur. Þegar ég skrifaði undir fyrir 15 árum bjóst ég aldrei við að vinna svona marga titla og ég mun aldrei gleyma minningunum sem ég hef upplifað sem leikmaður og hluti þjálfarateymis. Ég hef þó ákveðið að nú sé tími til að yfirgefa félagið.“

A player.
A coach.
A manager.

But above all else, a genuine Manchester United legend.

Thank you, Michael ❤️#MUFC

— Manchester United (@ManUtd) December 2, 2021