Auknar líkur eru á því að West Ham reyni að kaupa Jesse Lingard frá Manchester United í janúar. David Moyes ætlar að styrkja lið sitt.
Lingard var á láni hjá West Ham á síðustu leiktíð og gekk það vonum framar. Lingard er ekki í stóru hlutverki hjá United og er heitur fyrir því að fara til West Ham.
Said Benrahma verður frá stærstan hluta janúar vegna Afríkukeppninnar og því vill Moyes styrkja liðið.
„Vonandi getum við bætt við manni í fremstu línurnar okkar. Said leysir nokkur hlutverk fyrir okkur,“ sagði Moyes.
„Þetta verða að vera réttu mennirnir, við viljum styrkja okkur. VIð viljum bæta lið okkar.“
Lingard er á óskalista fleiri liða og þannig gæti Newcastle boðið honum stærri launapakka en West Ham getur.
