Framherjinn Aron Jóhannsson, samdi við Val fyrir helgi og er því kominn heim eftir ellefu ár í atvinnumennsku. Hann segist vera komin heim til þess að vinna titla.
Aron átti samtöl við nokkur lið hér á landi en leyst best á verkefnið hjá Val. Rætt var um heimkomu Arons í útvarpsþættinum Fótbolta.net á X977 um helgina.
Þar var Tómas Þór Þórðarson annar af stjórnendum þáttarins harður á því að Aron væri núna launahæsti leikmaður efstu deildar. „Ég frétti af því í einum af þessum viðræðum hefði hann sett fram ágætis kröfur, eðlilega hann var bara að reyna að maxa seðilinn sinn,“ sagði Tómas Þór í þættinum.
Komið hefur fram að Aron fundaði með Víkingi, FH, Breiðabliki, Fjölni og Val. Samkvæmt Tómasi bað hann eitt félagið sem hann ræddi við um 1,5 milljón í laun á mánuði.
„Hann fær væntanlega vel borgað, hann er 100 prósent sá launahæsti í deildinni. Ég held að það hafi verið 1.500.000 sem hann setti kröfu um þar. Þetta er sirka þar,“ sagði Tómas
Þáttinn má heyra í heild hér að neðan.