„Það má segja að það hafi verið tímapunktur fyrir nýja áskorun á ferlinum,“ sagði Heiðar Ægisson nýr leikmaður Vals eftir að hafa skrifað undir þriggja ára samning.
Heiðar kemur til Vals frá Stjörnunni þar sem hann hafði leikið allan sinn feril, hann ákvað að taka nýtt skref á ferli sínum.
„Ég átti yndislegan tíma hjá Stjörnunni, það er öllum hollt að prófa eitthvað nýtt. Valur er með skýra stefnu og ætla sér mikið á næstu árum.“
Heiðar átti í viðræðum við FH og hafði mikið verið rætt um þær í hlaðvörpum landsins.
„Þær viðræður fóru styttra en fólk vill halda, þegar Valur kom inn í spilið þá gerði það útslagið.“
Viðtalið er í heild hér að neðan.