Manchester United staðfestir að Ralf Rangnick muni ekki stýra liðinu gegn Arsenal á fimmtudag, hann bíður eftir atvinnuleyfi og það er að reynast erfitt.

Michael Carrick mun stýra United á fimmtudag en óvíst er hvort Rangnick verði við stýrið gegn Crystal Palace um helgina.

Rangnick fær ekki atvinnuleyfi eins fljótt og vonast var til, hann hefur ekki þjálfað nógu stór félög undanfarin fimm ár til að fá forgang.

Slíkt hefði veitt Rangnick forgang en hann var síðast hjá Lokomotiv Moskvu í Rússlandi.

Meiri vandræði er að fá atvinnuleyfi í Englandi þessa dagana eftir að landið fór úr Evrópusambandinu. Rangnick þarf að fara fyrir sérstaka nefnd enska knattspyrnusambandsins til að fá atvinnuleyfi.

Eftir að hafa farið fyrir nefndina verður hægt að segja kraft í atvinnuleyfið en þá gæti Rangnick þurft að fara í sóttkví á Englandi.