Ralf Rangnick nýr stjóri Manchester United fær ekki sinn traustasta aðstoðarmann með sér til starfa í Manchester.
Þannig segja ensk blöð frá því í dag að Lars Kornetka hafi hafnað því að fylgja Rangnick til Englands.
Rangnick og Kornetka hafa starfað saman frá árinu 2007 en nú skilja leiðir. Kornetka tekur við starfinu sem yfirmaður knattspyrnumála hjá Lokomotiv Moskvu, sem Rangnick losaði sig úr til að komast til Manchester.
Rangnick hefur sagt frá því að Kornetka sé besti leikgreinir í heimi, enginn sé betri að greina upplýsingar út frá myndböndum af æfingum og andstæðingum.
Mike Phelan, Michael Carrick og fleiri verða í teymi Rangnick en að auki vill hann koma með sitt starfsfólk inn til United.
Rangnick er mættur til Manchester en bíður eftir atvinnuleyfi, hann verður því í stúkunni gegn Arsenla á fimmtudag.