Ole Gunnar Solskjaer var rekinn sem stjóri Manchester United eftir slæmt tap liðsins gegn Watford. Michael Carrick tók við liðinu til bráðabirgða en félagið staðfesti í dag ráðningu Ralf Rangnick sem stýrir liðinu út tímabilið.
Pochettino er talinn einna líklegastur að taka við félaginu næsta sumar en hann er nú þjálfari PSG. Þá hafa Erik ten Hag, stjóri Ajax, og Brendan Rodgers, stjóri Leicester einnig verið orðaðir við starfið.
Samkvæmt La Razon er Pochettino strax byrjaður að hugsa um þá leikmenn sem hann vill fá til Manchester United ef hann tekur við.
Í fréttinni segir að leikmennirnir séu Jules Kounde og Kieran Trippier en Pochettino þekkir vel til Trippier þar sem þeir voru saman í Tottenham.
