Íslenska kvennalandsliðið í knattspyrnu vann 4-0 sigur á Kýpur í undankeppni HM 2023 í kvöld. Leikið var í Kýpur.
Sigurinn var aldrei í hættu og Íslendingar byrjuðu leikinn af miklum krafti og komust í forystu eftir átta mínútna leik þegar Karólína Lea Vilhjálmsdóttir, leikmaður Bayern Munchen, skoraði beint úr aukaspyrnu.
Berglind Björg Þorvaldsdóttir tvöfaldaði forystuna átta mínútum síðar með marki úr vítaspyrnu og Sveindís Jane Jónsdóttir bætti við þriðja markinu fyrir loka fyrri hálfleiks. Guðrún Arnardóttir bætti við fjórða markinu í þeim seinni.
Ísland er í 2. sæti í C-riðli, tveimur stigum á eftir Hollandi sem hefur leikið einum leik fleiri. Efsta liðið fer beint áfram á HM en liðið í 2. sæti fer í umspil.
Mörkin í leiknum má sjá hér að neðan.
Fyrsta mark leiksins skoraði Karólína Lea Vilhjálmsdóttir, beinustu leið úr aukaspyrnu💥 pic.twitter.com/EFdSAR5iGG
— RÚV Íþróttir (@ruvithrottir) November 30, 2021
