Edu yfirmaður knattspyrnumála hjá Arsenal hefur sagt frá því að hann vilji fá Arsene Wenger nær félaginu á nýjan leik.
Wenger hætti störfum sem þjálfari Arsenal árið 2018 en hann hefur síðan þá haldið fjarlægð frá félaginu.
Edu vill fá Wenger nær félaginu og hjálpa til í starfinu. „Það var frábært að hitta Wenger um daginn við tökur á heimildarmynd um hann. Við áttum gott spjall og ég lét hann vita af því hversu mikilvægur hann var fyrir minn feril,“ sagði Edu.
Edu var leikmaður Arsenal undir stjórn Wenger. „Ég sagði honum hversu mikið ég vildi fá hann nær félaginu. Það væri gott fyrir okkur að hafa hann með í starfinu.“
Mikel Arteta stjóri Arsenal hefur talað á sömu nótum en ljóst er að þekking Wenger gæti nýst Arsenal vel. Var hann stjóri Arsenal í 22 ár.