Juventus sótti Salernitana heim í ítölsku úrvalsdeildinni í kvöld. Juve hefur ekki átt gott keppnistímabil í ár og kom inn í leikinn með tvö töp á bakinu í síðustu tveimur leikjum liðsins í öllum keppnum.
Argentínumaðurinn Paolo Dybala kom Juventus yfir á 21. mínútu með frábæru skoti eftir þríhyrningsspil við Dejan Kulusevski og staðan 1-0 í hálfleik.
Alvaro Morata kom inn á sem varamaður á 66. mínútu og kom boltanum í netið fjórum mínútum síðar. Dybala fékk tækifæri til að bæta við öðru marki sínu í leiknum og þriðja marki Juventus í uppbótartíma þegar liðið fékk dæmda vítaspyrnu. Dybala fór á punktinn en rann í upphlaupinu og setti boltann hátt yfir markið. Lokatölur 2-0 fyrir Juventus.
Juventus er í 7. sæti deildarinnar með 24 stig eftir 15 umferðir, sjö stigum Meistaradeildarsæti. Salernitana er á botninum með 8 stig.