Allt stefnir í að efsta deild karla fari af stað á öðrum degi páska um miðjan apríl á næsta ári. Þetta kom fram á fundi sem fram fór hjá KSÍ um helgina.
Breytingar verða á deildinni á næsta ári. Fyrst verða leiknar hefðbundnar tvær umferðir – 22 leikir.
• Deildin heldur svo áfram tvískipt.
• 6 félög í efri hlutanum og 6 félög í neðri hlutanum.
• Leikin einföld umferð – 5 leikir.
• Félögin taka stigin með sér úr fyrri hluta mótsins.
• Lið nr. 1, 2 og 3 fá þrjá heimaleiki (lið nr. 7, 8 og 9 í neðri hluta).
• Sérstök töfluröð ræður því hvaða félög mætast í einstökum umferðum.
Samkvæmt fyrstu drögum hefst deildin 18 apríl og síðasta umferðin fer ekki fram fyrr en í lok október. Deildin lengist því verulega. Mótið verður í tæpa sjö mánuði sem margir fagna.