Samningurinn sem Juventus og Barcelona gerðu í júní 2020 á Arthur og Pjanic vakti mikla athygli á sínum tíma.
Arthur fór til Juventus frá Barcelona fyrir 72 milljónir evra en Pjanic fór frá Juventus til Barcelona fyrir 60 milljónir evra.
Þessir háu verðmiðar voru rannsakaðir og hefur nú verið staðfest að þessi samningur var ólöglegur. Liðin græddu á því að selja leikmennina á svona háu verði sem talið var töluvert hærra en þeir voru metnir á. Samkvæmt Forbes þá borgaði Juventus í raun bara 12 milljónir punda fyrir Arthur þegar félagsskiptin hjá Pjanic eru tekin með í reikninginn en félagið er talið hafa grætt rúma 41 milljón punda á félagsskiptunum.
Hvorugt liðið hefur þó verið sektað vegna félagsskiptanna enn sem komið er.