Manchester United staðfesti í dag ráðningu sína á Ralf Rangnick sem skrifaði undir samning til næsta vors en þá fer hann á skrifstofu félagsins. Hann tekur við af Ole Gunnar Solskjaer.

Ralf Rangnick er alls ekki hrifinn af húðflúrum og telur að leikmenn sem eru húðflúraðir hugsi meira um sjálfan sig og séu ekki tilbúnir til þess að spila fyrir liðið. Nokkrir leikmenn Man Utd gætu því verið í vandræðum.

„Við þurfum ekki leikmenn sem hafa bara áhuga á því þegar þeir skora að benda á nafnið sitt og fagna með sjálfum sér fyrir framan stuðningsmennina,“ sagði Rangnick við Daily Mail.

„Þeir ættu auðvitað að fagna með manninum sem gaf stoðsendinguna. Auðvitað tengist þetta ekki húðflúrum beint. En þá þurfum við að ræða þá sem vilja húðflúr um allan líkamann. Það snýst um að vera einstakur og vekja athygli.“