Manchester United hefur staðfest ráðningu sína á Ralf Rangnick sem nú bíður eftir atvinnuleyfi til þess að geta hafið störf.

Rangnick skrifar undir samning til næsta vors en þá færir hann sig á skrifstofu félagsins.

Rangnick tekur við af Ole Gunnar Solskjær sem var rekinn úr starfi fyrir rúmri viku síðan, Michael Carrick hefur stýrt liðinu á meðan samningur við Rangnick var kláraður.

„Ég er spenntur fyrir því að koma til móts við Manchester United og ætla mér að gera mitt besta til að tímabilið verði gott,“ sagði þýski stjórinn sem er 62 ára gamall.

Hann hefur áður starfað hjá RB Leipzig, Hoffefnheim og fleiri liðum. Er hann lærifaðir Jurgen Klopp og Thomast Tuchel sem nú gera það gott á Englandi.

„Það er fullt af hæfileikum í þessum hóp, þarna eru ungir menn og menn með reynslu. Næstu sex mánuði mun ég gera mitt besta til að hjálpa leikmönnum að bæta sig en fyrst og fremst að þeir bæti sig sem lið.“

„Ég er svo spenntur að hjálpa félaginu til lengri tíma sem ráðgjafi.“