Cristiano Ronaldo var reiður að leik loknu í Lundúnum í gær. Chelsea og Manchester United gerðu jafntefli í stórleik helgarinnar í ensku úrvalsdeildinni. Leikurinn fór fram á Brúnni. Chelsea stýrði leiknum í fyrri hálfleik en hefði þó viljað ógna meira á síðasta þriðjungi vallarins.
Ronaldo byrjaði á meðal varamanna í leiknum eitthvað sem kom verulega á óvart. Michael Carrick sem stýrir United um stutta stund tók þessa ákvörðun.
United var 0-1 yfir þegar Ronaldo mætti til leiks en hann komst á engan hátt inn í leikinn.
Þegar flautað var til leiksloka var svo Ronaldo fljótur að hlaupa inn í klefa, hann leit ekki á neinn og fór eins hratt og hann gat inn í klefa. Vekur þetta athygli enda venjan að leikmenn þakki fyrir sig áður en gengið er til klefa.