Magnað atvik átti sér stað í leik Palmeiras og Flamengo í Copa Libertadores í gær. Deyverson, leikmaður fyrrnefnda liðsins, henti sér þá í jörðina og kveinaði eftir að dómari leiksins hafði aðeins snert bakið á honum.
Palmeiras var 2-1 yfir og leiknum var alveg að ljúka. Það er því nokkuð ljóst að Deyverson var með þessu að reyna að tefja.
Einn af lýsendum leiksins fyrir BeIn Sports var allt annað en hrifinn af hegðun Deyverson og sagði hana ,,aumkunarverða.“
Deyverson of Palmeiras 💀😹 #CopaLibertadores2021
pic.twitter.com/mfH2Z6QBLY— footballnews (@footynews34) November 27, 2021
Deyverson lék með Helga Val Daníelssyni í eitt tímabil hjá Belenenses í Portúgal. Það var frá 2013 til 2014. Helgi tísti um myndbandið í gær; ,,Gamall liðsfélagi minn Deyverson með góða takta, óska honum skjótum bata,“ grínaðist Helgi.
Gamli liðsfélaginn minn Deyverson með góða takta 👑 óska honum skjótum bata 🙏 https://t.co/jzHn3QvfI8
— Helgi V. Daníelsson (@HelgiDanielsson) November 27, 2021