Áhorfandi hljóp inn á völlinn eftir leik Liverpool og Southampton í gær. Hann hljóp með síma að vopni í átt að Mohamed Salah, stjörnu Liverpool. Egyptinn hafði þó engan áhuga á að virða hann viðlits.
Diogo Jota kom Liverpool yfir strax á 2. mínútu í gær með marki af stuttu færi eftir fyrirgjöf Andy Robertson.
Jota skoraði annað mark á 32. mínútu. Eftir góða sókn Liverpool skoraði hann, aftur af stuttu færi. Nú var það Mohamed Salah sem átti stoðsendinguna.
Thiago Alcantara átti eftir að bæta við marki í fyrri hálfleik. Það kom á 37. mínútu. Hann átti skot að marki sem fór í varnarmann Southampton og inn. Staðan í hálfleik var 3-0.
Virgil van Dijk bætti við fjórða marki Liverpool á 52. mínútu. Hann skoraði eftir hornspyrnu Trent Alexander-Arnold. Lokatölur 4-0.
Hér fyrir neðan má sjá mynd af því þegar áhorfandinn reynir að ná sambandi við Salah. Egyptinn rekur hendina hins vegar út og vill ekkert með hann hafa.
Mo Salah confronted by pitch invader after Liverpool heroics against Southamptonhttps://t.co/pTLvXFMocf pic.twitter.com/l4l7hQUw55
— Mirror Football (@MirrorFootball) November 27, 2021