Liverpool er tilbúið að hlusta á tilboð í Neco Williams, varnarmann liðsins. Mirror segir frá.
Svo gæti farið að Williams fari strax í janúar. Til þess þarf tilboð upp á 10 milljónir punda að koma inn á borð Liverpool.
Þessi velski landsliðsmaður hefur lítið fengið að spila á þessari leiktíð og þarf að fara frá Anfield í leit að fleiri mínútum.
Hinn tvítugi Williams er uppalinn hjá Liverpool. Hann er í baráttu við Trent Alexander-Arnold um stöðu hægri bakvarðar hjá félaginu. Það verður að teljast ansi erfiður slagur að taka um þessar mundir.