fbpx
Þriðjudagur 17.maí 2022
433Sport

Enska úrvalsdeildin: Jafnt í stórleik helgarinnar – Man Utd getur verið sátt með stigið

Helgi Sigurðsson
Sunnudaginn 28. nóvember 2021 18:24

Eric Bailly (til hægri) í leik með Man Utd á síðasta ári. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Chelsea og Manchester United gerðu jafntefli í stórleik helgarinnar í ensku úrvalsdeildinni. Leikurinn fór fram á Brúnni.

Chelsea stýrði leiknum í fyrri hálfleik en hefði þó viljað ógna meira á síðasta þriðjungi vallarins.

Callum Hudson-Odoi fékk bæsta færi fyrri hálfleiks strax á 4. mínútu þegar hann slapp í gegn. David De Gea sá hins vegar við honum.

Staðan í hálfleik var markalaus.

Man Utd komst yfir á 50. mínútu gegn gangi leiksins. Jorginho gerði þá slæm mistök fyrir miðju vallarins, missti boltann til Jadon Sancho sem þeyttist upp völlinn og skoraði. Þetta var hans fyrsta mark í ensku úrvalsdeildinni og annað mark fyrir Man Utd. Hann skoraði í Meistaradeildinni í síðustu viku.

Jadon Sancho setur boltann í netið. Mynd/Getty

Um miðbik seinni hálfleiks fékk Chelsea vítaspyrnu. Thiago Silva var þá klókur og kom sér fyrir Aaron Wan Bissaka sem ætlaði að sparka í boltann. Í stað þess sparkaði hann Silva niður í teignum. Jorginho fór á punktinn og skoraði af öryggi.

Jorginho skoraði af öryggi. Mynd/Getty

Chelsea var líflegri aðilinn eftir markið en tókst þó ekki að skapa sér nein dauðafæri.

Man Utd hefði getað stolið sigrinum í lokin þegar Edouard Mendy, markvörður Chelsea, átti slæma sendingu út úr vörninni beint á Fred. Brassinn fór hins vegar afar illa að ráði sínu og skilaði boltanum í raun bara aftur á Mendy.

Lokatölur 1-1. Það er óhætt að ætla að Man Utd sé sáttara með úrslitin en heimamenn.

Chelsea er á toppi deildarinnar með 30 stig, stigi á undan Manchester City. Man Utd er í áttunda sæti með 18 stig.

Enski boltinn á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 15 klukkutímum

Suarez á förum frá Atletico Madrid

Suarez á förum frá Atletico Madrid
433Sport
Fyrir 15 klukkutímum

Besta deild karla: Blikar burstuðu Íslandsmeistarana í Víkinni

Besta deild karla: Blikar burstuðu Íslandsmeistarana í Víkinni
433Sport
Fyrir 17 klukkutímum

Borussia Dortmund kaupir leikmann FH

Borussia Dortmund kaupir leikmann FH
433Sport
Fyrir 17 klukkutímum

Emil Pálsson fór aftur í hjartastopp en nú á æfingu með FH

Emil Pálsson fór aftur í hjartastopp en nú á æfingu með FH
433Sport
Fyrir 19 klukkutímum

Galdur skoraði í tapi gegn Írlandi – Íslenska landsliðið vann riðilinn

Galdur skoraði í tapi gegn Írlandi – Íslenska landsliðið vann riðilinn