Svo gæti farið að Paris Saint-Germain leyfi Mauricio Pochettino að taka við Manchester United næsta sumar. Goal segir frá.
Ralf Rangnick er að taka við sem bráðabirgðastjóri Man Utd. Ole Gunnar Solskjær var látinn fara úr starfinu á dögunum.
Man Utd vildi fá Pochettino til að taka strax við en PSG gaf ekki grænt ljós á það. Það er þó mögulegt að Pochettino taki við enska félaginu í sumar. Til að það gerist þarf PSG þó að hleypa honum í burtu. Franska félagið íhugar stöðuna.
Rangnick mun semja við Man Utd sem knattspyrnustjóri til sex mánaða. Eftir það mun hann fara í ráðgjafahlutverk hjá félaginu. Hann mun því koma að ráðningu næsta knattspyrnustjóra.
Pochettino er sjálfur sagður vilja komast burt frá París. Fjölskylda hans býr enn á Englandi frá stjóratíð hans hjá Tottenham. Argentínumaðurinn býr á hóteli í París.
