Erik ten Hag, stjóri Ajax í Hollandi, er maðurinn sem Manchester United mun snúa sér að ef þeim tekst ekki að landa Mauricio Pochettino sem knattspyrnustjóra næsta sumar. Þetta kemur fram í Daily Mail.
Pochettino þykir líklegastur til að taka við Man Utd næsta sumar. Félagið reyndi að fá hann til sín strax á dögunum en félag hans, Paris Saint-Germain, var ekki tilbúið til þess að hleypa honum í burtu þá.
Þess í stað er Man Utd að ráða Ralf Rangnick sem stjóra til bráðabirgða út þessa leiktíð.
Ten Hag er sagður mjög áhugasamur um að taka við Man Utd. Ajax myndi ekki standa í vegi fyrir honum ef hann kýs að fara þrátt fyrir að samningur hans í Amsterdam renni ekki út fyrr en 2023.
Man Utd og Ajax eiga í góðu sambandi. Framkvæmdastjóri enska félagsins, Edwin van der Sar, lék á ferli sínum með báðum félögum. Hann spilaði til að mynda lykilrullu í félagaskiptum Donny van de Beek frá Ajax til Man Utd sumarið 2020.
