Ólíklegt er að Manchester United verði eitt af þeim félögum sem reyni að fá Dusan Vlahovic til sín fra Fiorentina.
Hinn 21 árs gamli Vlahovic er einn heitasti framherji heims um þessar mundir. Hann hefur skorað 11 mörk í fjórtán leikjum fyrir Fiorentina í Serie A á þessari leiktíð.
Samningur Serbans rennur út árið 2023. Hann hefur látið ítalska félagið vita að hann muni ekki framlengja hann.
Það er því nokkuð ljóst að Vlahovic mun ganga í raðir eins af stærstu félögum heims í janúar eða næsta sumar.
Vlahovic hefur verið orðaður við mörg stórveldi en miðað við frétt Daily Mail mun Man Utd ekki slást í kapphlaupið um hann.
Fiorentina vill fá um 55 milljónir punda fyrir leikmanninn.