Xavi Hernandez tók nýverið við stjórnartaumunum hjá Barcelona og ætlar að reyna að koma félaginu aftur í fremstu röð.
Ousmane Dembele hefur ekki fengið að spila mikið hjá Barcelona í vetur og samkvæmt ýmsum spænskum miðlum vill hann yfirgefa félagið og fara í ensku úrvalsdeildina. Þá eru Liverpool, Manchester United og Newcastle sögð hafa áhuga.
Xavi vill þó ólmur halda Dembele áfram hjá Barcelona og er mjög hrifinn af leikmanninum og telur að hann eigi mikið inni að því er segir í frétt Mundo Deportivo.
Dembele gekk til liðs við Barcelona árið 2017 fyrir rúmar 100 milljónir punda. Hann hefur ekki staðið undir væntingum og þá hefur hann verið mikið frá vegna meiðsla.
Barcelona er enn í miklum fjárhagsvandræðum og gæti Xavi neyðst til að selja hann vegna þess.