Haaland hefur slegið í gegn hjá Dortmund síðustu ár en það er mikil óvissa með framtíð hans. Næsta sumar mun klásúla í samningi Haaland virkjast og getur hann þá farið fyrir 75 milljónir evra.
Talið er að hann sé á leiðinni frá Dortmund í sumar en Barcelona, Manchester United, Manchester City, Chelsea, Real Madrid og Bayern Munchen eru á meðal liða sem vilja sækja Norðmanninn öfluga.
Samkvæmt frétt Goal vill Haaland sjálfur helst fara til Real Madrid en það er félagið sem heillar hann mest.
Það sem gæti þó haft áhrif á það er áhugi Real Madrid á Kylian Mbappe. Samningur Mbappe við PSG rennur út næsta sumar og er ansi líklegt að hann semji við spænska stórveldið.