Messi yfirgaf Barcelona í sumar vegna fjárhagsvandræða félagsins og samdi við PSG. Tími hans í Frakklandi hefur ekki verið neinn dans á rósum og er Rafael van der Vaart kominn með nóg.
Messi átti ekki góðan dag er PSG mætti Manchester City í Meistaradeildinni í vikunni og taldi van der Vaart hann ekki gera nóg til að hjálpa liðsfélögum sínum.
„Hann á það til að labba um völlinn og þá hugsa ég með mér: Skammastu þín aldrei?,“ sagði van der Vaart við Ziggo Sports.
„Ég er farinn að verða reiður við Messi og það er algjör synd því við munum aldrei sjá annan svona leikmann.“
„Þetta byrjaði undir stjórn Ronald Koeman. Þar neitaði hann að leggja sig fram og það er ekki eitthvað sem maður er vanur að sjá hjá Messi.“