Opinber fjárfestingasjóður Sádí Arabíu keypti Newcastle á dögunum eins og þekkt er. Þá er talið að nýir eigendur muni dæla miklum fjármunum í leikmannakaup.

Newcastle er eins og er á botni deildararinnar í Englandi en eigendur félagsins ætla að versla í janúar.

Samkvæmt Northern Echo eru fjórir leikmenn efstir á listanum en það eru þeir James Tarkowski, Jesse Lingard, Divock Origi og Oleksandr Zinchenko. Í fréttinni segir að Eddie Howe leggi mesta áherslu á að fá Jesse Lingard til félagsins.

Talið er líklegt að félagið geti fengið þessa leikmenn í næsta félagsskiptaglugga hvort sem það verður á lánssamning eða að félagið kaupi þá.