A landslið kvenna mætir Japan í í vináttuleik í dag og fer leikurinn fram á Yanmar Stadium í Almere í Hollandi.
Leikurinn hefst kl. 18:40 að íslenskum tíma og verður streymt frá honum á Mycujoo síðu KSÍ og má finna hlekk inn á hana hér að neðan.
Liðið mætti til Almere á þriðjudag og tók létta æfingu við komu á svæðið. Þetta verður í fjórða sinn sem liðin mætast, en Japan hefur unnið allar þrjár viðureignirnar til þessa. Leikirnir þrír hafa allir verið á Algarve Cup, árin 2015, 2017 og 2018.
Á föstudag ferðast liðið svo til Kýpur þar sem það mætir Kýpverjum á þriðjudag.
