Bodö/Glimt vermir toppsætið í C-riðli þegar ein umferð er eftir í riðlakeppni Sambandsdeildar Evrópu. Alfons Sampsted var í byrjunarliðinu að vanda er liðið vann 2-0 sigur á CSKA Sofia í kvöld. Sondre Fet skoraði fyrra markið á 25. mínútu og Erik Botheim bætti því seinna við á 85. mínútu. Ljóst er eftir leiki kvöldsins að Bodö fer beint í 16-liða úrslit ef liðinu tekst að vinna Zorya í lokaumferðinni.
Tammy Abraham skoraði tvennu er José Mourinho og hans menn í Roma unnu 4-0 sigur á Zorya. Roma er í öðru sæti C-riðils, einu stigi á eftir Bodö/Glimt en Noregsmeistararnir hafa tekið fjögur stig af ítalska liðinu í riðlakeppninni.
Rúnar Már Sigurjónsson kom inn á í hálfleik CFR Cluj tapaði 2-1 gegn Randers á útivelli. Albert Guðmundsson byrjaði á varamannabekknum er AZ Alkmaar sótti Jablonec heim. Albert kom inn á þegar tólf mínútur voru eftir af venjulegum leiktíma í stöðunni 1-1 en það reyndust lokatölur leiksins. AZ sigrar F-riðil og er því komið áfram í 16 liða úrslit þegar ein umferð er eftir.
Úrslitin í seinni leikjum kvöldsins í Sambandsdeildinni má sjá hér að neðan.
Anorthosis 1 – 0 Gent
1-0 Lazaros Christodoulopoulos (’27)
Bodö/Glimt 2 – 0 CSKA Sofia
1-0 Sondre Brunstad Fet (’25)
2-0 Erik Botheim (’85)
Jablonek 1 – 1 AZ
1-0 Miloš Kratochvíl (‘7)
1-1 Hakon Evjen (’44)
Maccabi Tel Aviv 0 – 1 LASK
0-1 Sascha Horvath (’89)
Randers 2 – 1 CFR Cluj
1-0 Alhaji Kamara (’68)
1-1 Ciprian Deac (’72)
2-1 Simon Piesinger (’76)
Roma 4 – 0 Zorya
1-0 Carles Perez (’15)
2-0 Nicolo Zaniolo (’33)
3-0 Tammy Abraham (’46)
4-0 Tammy Abraham (’76)