Ekkert áfengi verður í boði í landsliðsferðum kvennalandsliðsins á næstunni. Þetta sagði Þorsteinn Halldórsson þjálfari liðsins á fréttamannafundi í gær. Liðið mætir Japan í æfingaleik í Hollandi í kvöld.
Til umræðu var í gær að KSÍ hefði boðið upp á áfengi í ferð karlalandsliðsins í Norður-Makedóníu á dögunum eftir að Eiður Smári Guðjohnsen lét af störfum sem aðstoðarþjálfari liðsins. Brotthvarf Eiðs kom eins og þruma úr heiðskíru lofti.
„Mér finnst þetta leiðinlegt mál,“ sagði Þorsteinn Halldórsson þjálfari kvennalandsliðsins á fundi í gær og Fótbolti.net vitnar til.
Þorsteinn var spurður að því hvort áfengi hefði verið í boði undir hans stjórn hjá stelpunum. „Nei.“
Ekki hefur þó komið til tals að banna alla áfengisdrykkju. „Nei, það hefur bara ekki verið veitt og það verður ekkert. Ekki nema við verðum Evrópumeistarar. Þá skálum við í kampavíni og búið.“
„Það er ekkert áfengi í gangi þannig ég hef svo sem ekkert þurft að banna nokkurn skapaðan hlut. Það hefur aldrei verið rætt en það hefur ekkert verið að veita áfengi og verður ekkert gert nema vonandi skálað í kampavíni 31. júlí,“