Sash nokkur er ansi ósátt með kærasta sinn sem ákvað að ferðast samtals rúma þúsund kílómetra til þess að sjá fótboltaleik með félagi sínu, Charlton, gegn Morecambe í ensku C-deildinni í gær í stað þess að hitta hana.
Sash hlakkaði til að hitta kærasta sinn þar sem þau höfðu verið viku frá hvoru öðru. Þau búa um 13 kílómetrum frá hvoru öðru í Kent í Suð-Austur Englandi.
Kærastinn hætti þó við hittinginn og ákvað frekar að ferðast um 530 kílómetra til Morecambe. Ferðalagið tekur um fimm tíma og 45 mínútur með lest.
,,Ég bý nokkrum kílómetrum frá kærastanum mínum og hef ekki séð hann í viku. Í morgun fór hann klukkan átta til þess að ferðast 330 mílur til Morecambe fyrir Charlton og veltir fyrir sér af hverju ég er reið. Hvað er í forgangi hjá honum?“ skrifaði Sash á Twitter.
Þess má geta að leik Morecambe og Charlton í gær lauk með 2-2 jafntefli.