Að sögn ítalska fjölmiðilsins Calciomercato hefur AC Milan áhuga á Nicolas Pepe, vængmanni Arsenal.
Hinn 26 ára gamli Pepe hefur ekki náð hæstu hæðum með Arsenal frá því hann kom frá Lille á 72 milljónir punda sumarið 2019. Pepe hefur náð fínum sprettum inn á milli en ekki tekist að viðhalda því yfir lengri tíma. Nú gætu dagar hans hjá Arsenal brátt verið taldir.
Nú gæti Milan tekið sénsinn á honum. Ljóst er að hann yrði falur fyrir mun lægri upphæð en hann var keyptur á frá Lille.
Samningur Pepe við Arsenal rennur út árið 2024.
Á þessari leiktíð hefur Pepe komið við sögu í sjö leikjum í ensku úrvalsdeildinni. Arsenal situr í fimmta sæti deildarinnar með 20 stig.