Blekið var varla þornað á pappírunum hjá aðstoðarmönnum Ole Gunnar Solskjær þegar hann var rekinn úr starfi. Þannig segja ensk blöð frá því að nýlega hafi allir aðstoðarmenn Solskjær skrifað undir nýja samninga.
Mike Phelan skrifaði undir nýjan samning í síðasta mánuði. Á eftir komu svo Michael Carrick sem stýrir liðinu nú tímabundið.
Kieran McKenna var í teyminu og fékk nýjan samning og sömu sögu er að segja um Richard Hartis markmannsþjálfari fékk það líka.
Solskjær hafði skrifað undir nýjan samning við félagið í sumar en síðan hallaði undan fæti. Solskjær fær 7,5 miljónir punda í sinn vasa fyrir brottreksturinn um er að ræða tæpan 1,4 milljarð íslenskra króna.
Ljóst er að United þarf að rífa fram stórar upphæðir þegar nýr stjóri verður kynntur, sá vill án nokkurs vafa fá sína menn í teymið og þá þarf United að láta menn fara sem hafa nýlega skrifað undir nýjan samning.
