Ed Woodward stjórnarformaður Manchester United skoðar það nú að hætta við að hætta í bili. Ástæðan er sú að hann vill hjálpa til við að finna næsta stjóra félagsins.
Stjórnarformaðurinn greindi frá því í vor að hann ætlaði að hætta á þessu tímabili. Hann hefur nú ákveðið að bíða með það.
Woodward er mjög umdeildur í starfi en hann hefur traust frá Glazer fjölskyldunni sem á félagið.
Woodward ætlaði að hætta undir lok árs en Sky Sports segir að nú séu teikn á lofti um að hann verði áfram í starfi.
Ole Gunnar Solskjær var rekinn úr starfi í gær en United vill fá Mauricio Pochettinho til að taka við til framtíðar.
